په كندهار كې د ماين چاودنې اوو ملكي وګړو ته مرګ ژوبله اړولې ده.
د كورنيو چارو وزارت وياند نصرت رحيمي وايي، د جمعې په مازديګر شاوخوا څلور بجې د سپين بولدك ولسوالۍ په ناوې سيمه كې يو ټونس ډوله موټر د وسله والو طالبانو لخوا پر ځاى پر ځاى شوي ماين ور برابر شوى دى.
د هغه په وينا، په دې چاودنه كې دوه ملكي وګړي وژل شوي او پنځه تنه نور ټپيان دي.
وسله والو طالبانو تراوسه په دې اړه تبصره نه ده كړې.