د ننګرهار په مركز جلال اباد ښار كې چاودنې څلور تنه ټپيان كړي دي.
د دغه ولايت د امنيه قوماندانۍ وياند مبارز اتل كليد ته وويل، نن له غرمې وروسته شاوخوا درې بجې د جلال اباد ښار د پنځمې ناحيې په مربوطاتو کې په يوه بايسکل کې ځاى پر ځاى شوو چاودېدونکو توکو چاودنه كړې ده.
نوموړي زياته كړه، په دې چاودنه كې يو امنيتي سرتېرى او درې ملكي وګړي سطحي ټپيان شوي دي.
د يادې چاودنې مسووليت تراوسه کومې وسله والې ډلې نه دى منلى.
کلید ګروپ په ټویټر او فیسبوک کې وګورئ
