د جمهوري رياست ټاكنو كانديد شيدا محمد ابدالي له خپلې كانديداتورۍ تېر او د محمد اشرف غني په مشرۍ له دولت جوړوونكي ټاكنيز ټيم سره يو ځاى شو.
ابدالي وويل، له دولت جوړوونكې ټاکنيزې ډلې سره د لويو ملي ګټو په خاطر او د کندهار د قومونو په ټينګار سره يو ځاى شوى دى.
نوموړى له زلمي رسول وروسته د جمهوري رياست ټاكنو دوهم كانديد دى، چې د محمد اشرف غني په ګټه له خپلې كانديداتورۍ تېرېږي.
ټاكل شوې د جمهوري رياست ټاكنې د راتلونكې شنبې په ورځ ترسره شي او د ټاكنو خپلواك كمېسيون ورته د بشپړ چمتووالي خبر وركوي.
