په تخار كې ۴۲ وسله وال طالبان له خپلو وسلو سره يو ځاى افغان ځواكونو ته تسليم شوي دي.
د دې ولايت د امنيه قوماندانۍ وياند عبدالخليل اسير كليد ته وويل، د بدخشان په كران او منجان ولسوالۍ كې د طالبانو يو قوماندان قاري قمرالدين له خپلو ۴۱ وسله والو كسانو سره تېره ورځ د تخار په ورسج ولسوالۍ كې امنيتي سرتېرو ته تسليم شو.
د ده په خبره، يادو كسانو خپلې لسګونه ميله بېلابېل ډوله وسلې هم امنيتي ځواكونو ته وسپارلې.
وسله والو طالبانو بيا دغه ادعا رد كړې او تسليم شوي كسان يې سيمه ييز پوليس بللي، چې په وينا يې، دوى نيولي وو او وروسته يې بېرته خوشې كړل.