په ميدان وردګ كې د هوايي عملياتو په مهال ۱۶ وسله وال طالبان وژل شوي دي.
د دغه ولايت د رسنيو دفتر تېره شپه د يوې خبرپاڼې په خپرولو سره ويلي، چې دا عمليات په نرخ ولسوالۍ كې ترسره شوي دي.
د سرچينې په خبره، په وژل شوو كسانو كې د ملا حبيب الله، ملا نبي او ملا حقمل په نومونو درې سرګروپان او د طالبانو ځينې نور مهم غړي هم شامل دي.
په خبرپاڼې كې راغلي، چې په دې عملياتو كې د طالبانو يو شمېر وسلې او مهمات هم له منځه يووړل شول.
وسله والو طالبانو تراوسه په دې اړه څه نه دي ويلي.
