د تركمنستان د سوداګرۍ او بهرنيو اړيكو مخكېنى وزير امندوردي ايشان اوف نيول شوى دى.
نوموړى په فساد او رشوت اخيستلو تورن دى.
ايشان اوف يوازې د يوه كال لپاره د تركمنستان د سوداګرۍ او بهرنيو اړيكو د وزير په توګه دنده ترسره كړه او تازه د دې هېواد د جمهور رئيس قربان قلي بيردي محمدوف له لوري له دندې ګوښه كړاى شو.
دمګړۍ د تركمنستان د سوداګرۍ او صنعت خونې پخوانى رئيس ارازمرد قربان نظراوف د دغه هېواد د سوداګرۍ او بهرنيو اړيكو د نوي وزير په توګه فعاليت كوي.