د ننګرهار د خوږياڼو ولسوالۍ په چمتلې سيمه کې نن سهار شاوخوا اته بجې او ۳۰ دقيقې چاودنه شوې، چې له كبله يې اووه ملكي وګړي ټپيان شوي دي.
د دغه ولايت د والي وياند عطاء الله خوږياڼي کليد ته وويل، چاودېدونکي توکي د چمتلې په څلور لارې کې په يوې لاسي کراچۍ کې ځاى پر ځاى شوي وو.
د نوموړي په خبره، په ټپيانو کې يو ماشوم هم شامل دى.
خوږياڼي د دوو ټپيانو روغتيايي حالت د اندېښنې وړ وباله.
د يادې چاودنې مسووليت تر دا مهاله چا پر غاړه نه دى اخيستى.
کلید ګروپ په ټویټر او فیسبوک کې وګورئ
