د ننګرهار په مركز جلال اباد ښار كې د چسپكي ماين چاودنې د يوه ډاكټر په ګډون درېيو تنو ته مرګ ژوبله واړوله.
د دې ولايت امنيتي مسوولين وايي، تېر ماښام د جلال اباد ښار د څلورمې ناحيې په مربوطاتو كې د ډاکټر نوروز شينواري په موټر پورې نښلول شوي ماين چاودنه کړې ده.
د ننګرهار د امنيه قوماندانۍ وياند مبارز اتل کليد ته وويل، په ياده چاودنه کې ډاکټر نوروز شينواری وژل شوی او دوه نور كسان ژوبل شوي دي.
د دغې چاودنې مسووليت تراوسه چا نه دى منلى.
ډاکټر نوروز شينواری د هډوکو د ناروغيو متخصص او د ننګرهار د خصوصي روغتونونو د ډاكټرانو د اتحاديې مشر و.
کلید ګروپ په ټویټر او فیسبوک کې وګورئ
