د جنوبي كوريا پوځ اعلان كړى، چې شمالي كوريا نن سهار دوه نوي توغندي توغولي دي.
د جنوبي كوريا رسمي خبري اژانس راپور وركړى، چې تراوسه د دې توغنديو نوعيت معلوم نه دى.
دغه توغندي په داسې حال كې ازمويل شوي، چې شمالي كوريا د دوشنبې په ورځ وويل، غواړي له امريكا سره مذاكرات د روانې سپټمبر مياشتې په وروستيو كې بېرته پيل كړي.
دا د امريكا د جمهور رئيس ډونالډ ټرمپ او د شمالي كوريا د مشر كيم جونګ اون له وروستۍ ليدنې راهيسې د پيونګيانګ اتمه توغندويي ازموينه ده.
