جمهور رئيس محمد اشرف غني وايي، د ټاكنو لپاره هېڅ بديل نه شته او هېڅ ځواك يې د ترسره كېدو مخه نه شي نيولى.
هغه نن په كابل كې د عاشورا ورځې نمانځغونډې ته په وينا كې په خپل وخت د جمهوري رياست ټاكنو پر ترسره كېدو ټينګار وكړ.
بل پلو جمهور رئيس غني جمهوريت سره كرښه وبلله او ويې ويل، د سولې بهير د مشورتي لويې جرګې د ګډونوالو د لار نقشې پر بنسټ مخته وړل كېږي.
د نوموړي په خبره، باعزته سوله، چې په هېواد كې امنيت تضمين كړي او د افغانستان د خلكو په مالكيت وي، د هر افغان غوښتنه او هيله ده او حكومت د هغې عملي كولو ته ژمن دى.
بايد وويل شي، چې تر دې وړاندې د ځينو كانديدانو او نورو قشرونو لخوا په خپل وخت د جمهوري رياست ټاكنو د ترسره كېدو په اړه اندېښنې مطرح شوې وې.
کلید ګروپ په ټویټر او فیسبوک کې وګورئ
