slideshow

50
۱۶ وږی ۱۳۹۸
لیکونکی: محمد شفيق هېوادپال

په بادغيس كې د غنمو حاصلات شاوخوا ۵۴ فيصده زيات شوي


د بادغيس د كرنې، اوبو لګونې او مالدارۍ رئيس عبدالتواب طاهر وايي، په دې ولايت كې سږ كال له ۱۴۴۰۰۰ مټريك ټنه زيات غنم ترلاسه شوي، چې د تېرو دوو كلونو په پرتله شاوخوا ۵۴ فيصده زياتوالى ښيي.
هغه كليد ته وويل، په بادغيس كې له ۱۲۸۱۳ هكټاره اوبيزې او ۴۸۳۳۲ هكټاره للمي ځمكې د غنمو ۱۴۴۱۹۱ مټريك ټنه حاصل ترلاسه شوى دى.
طاهر زياته كړه، سږ كال په ياد ولايت كې له هر هكټار اوبيزې ځمكې شاوخوا ۳۲۱۴ كيلو ګرامه او له هر هكټار للمي ځمكې ۲۱۳۱ كيلو ګرامه غنم راټول شوي دي.
د بادغيس د كرنې، اوبو لګونې او مالدارۍ رياست د معلوماتو له مخې، دغه ولايت هر كال شاوخوا ۹۱۶۰۰ مټريك ټنه غنمو ته اړتيا لري او سږ كال بزګران كولى شي خپل يوه اندازه حاصلات نورو ولايتونو ته هم صادر كړي.

 

شریکول
ایمیل *
نوم *
ستاسو څرګندونې *