ads

افغانستان د كركټ د ټېسټ لوبو په درجه بندۍ كې ۱۰ مقام خپل كړ

د افغانستان د كركټ ملي لوبډله د کرکټ نړيوالې شورا د ټېسټ لوبو د ۱۰ غوره لوبډلو په لېست كې شامله شوه. افغان لوبډله اوسمهال د بنګله دېش له لوبډلې سره خپله درېيمه ټېسټ لوبه لري او د دې لوبې له پاى ته رسېدو وړاندې يې د كركټ د نړيوالې شورا د ټېسټ لوبو په […]

نویسنده: hewadpal
وږی 16, 1398
افغانستان د كركټ د ټېسټ لوبو په درجه بندۍ كې ۱۰ مقام خپل كړ

د افغانستان د كركټ ملي لوبډله د کرکټ نړيوالې شورا د ټېسټ لوبو د ۱۰ غوره لوبډلو په لېست كې شامله شوه.
افغان لوبډله اوسمهال د بنګله دېش له لوبډلې سره خپله درېيمه ټېسټ لوبه لري او د دې لوبې له پاى ته رسېدو وړاندې يې د كركټ د نړيوالې شورا د ټېسټ لوبو په درجه بندۍ كې ۱۰ مقام خپل كړى او د زمبابوې له لوبډلې مخكې شوې ده.
افغانستان تر دې مهاله يوازې دوه ټېسټ لوبې کړې دي.
افغان لوبډلې خپله لومړۍ ټېسټ لوبه د ۲۰۱۸م ميلادي کال په جون مياشت کې د هند د لوبډلې په وړاندې ترسره کړه او ويې بايلله.
د ۲۰۱۹م کال په مارچ مياشت کې بيا افغانستان خپله دوهمه ټېسټ لوبه له ايرلنډ سره وكړه او ويې وګټله.
افغانستان د كركټ د ټېسټ لوبو په تاريخ کې له انګلستان او پاکستان وروسته درېيم هېواد شو، چې په خپله دوهمه ټېسټ لوبه کې بريا ترلاسه كوي.

کلید ګروپ په ټویټر او فیسبوک کې وګورئ
طراحی و توسعه توسط تکشارک - Copyright © 2020

Copyright 2020 © TKG: A public media project of DHSA