د هلمند امنيه قوماندانۍ د نشه يي توکو په ضد د مبارزې مديريت كار كوونكو د كوكنارو ۱۱۸ ټنه تخم نيولى دى.
د يادې قوماندانۍ له مطبوعاتي دفتره نن كليد ته په رالېږل شوې خبرپاڼه كې راغلي، چې دغه تخم د اوپراتيفي او کشفي راپور پر بنسټ په نهر سراج ولسوالۍ کې نيول شوى دى.
د سرچينې په خبره، د كوكنارو د دې تخم په تړاو څلور تنه هم نيول شوي دي.
د يادونې وړ ده، چې هلمند په هېواد كې د نشه يي توكو تر ټولو لوى توليدوونكى ولايت دى.
