د تخار ولايتي چارواكي وايي، د دې ولايت پر چاه اب ولسوالۍ د وسله والو طالبانو بريد په شا وتمبول شو.
د تخار د والي وياند محمد جواد هجري كليد ته وويل، دمګړۍ د چاه اب ولسوالۍ د بازار په شاوخوا كې جګړه دوام لري او مرستندويه سرتېري دغې ولسوالۍ ته لېږل شوي دي.
د هغه په وينا، د طالبانو د هاوان په بريدونو كې د يادې ولسوالۍ ودانۍ او د استوګنې څو كورونو ته زيان اوښتى دى.
مخكې راپورونه خپاره شوي وو، چې د تخار چاه اب ولسوالي د طالبانو په لاس سقوط شوې او هغوى د دغې ولسوالۍ ودانۍ ته اور ورته كړى دى.
وسله والو طالبانو هم ادعا كړې، چې چاه اب ولسوالي يې نيولې ده.
کلید ګروپ په ټویټر او فیسبوک کې وګورئ
