راپورونه وایي، نا معلومه وسله والو په نایجریا کې ۵۰ کسان تښتولي او تر اوسه یې برخلیک نامعلوم دی.
ویل کېږي چې په تښتول شوو کسانو کې ښځې او ماشومان هم شامل دي.
د دغې سیمې اوسېدونکي وایي، تر سلو ډېرو کسانو د دوی پر کلي برید وکړ او کابو درې ساعته په دغه کلي کې پاتې شول.
هغه کسان چې له یادې ډلې راخوشي شوي، وایي چې د برید کوونکو له لوري ۵۳ کسان تښتول شوي دي.
بلخوا، رویټرز خبري اژانس بیا د تښتول شوو کسانو شمېر ۱۵ ښودلی دی.
تر اوسه کومې وسله والې ډلې د یادې پېښې په اړه څه نه دي ویلي او د نایجریا حکومت هم په دې اړه کوم غبرګون نه دی ښودلی .
