افغان ځواكونو په بلخ كې ۴۸ وسله والو طالبانو ته مرګ ژوبله اړولې ده
د ۲۰۹ شاهين قول اردو وياند محمد حنيف رضايي نن كليد ته وويل، امنيتي ځواكونو په تېرو ۲۴ ساعتونو كې د ياد ولايت په شولګرې، بلخ، چمتال او نهر شاهي ولسواليو كې پر طالبانو هوايي او ځمكني بريدونه كړي دي.
هغه زياته كړه، په دغو بريدونو كې ۳۰ طالبان وژل شوي او د يوه قوماندان په ګډون ۱۸ تنه نور ټپيان دي.
د رضايي په وينا، د نښتو په مهال درې افغان سرتېري هم وژل شوي او پنځه تنه نور ژوبل دي.
وسله والو طالبانو تراوسه په دې اړه رسنيو ته څه نه دي ويلي.
