ټاكل شوې د تركيې جمهور رئيس رجب طيب اردوغان د راتلونكې سې شنبې په ورځ مسكو ته لاړ شي او هلته له خپل روسي سيال ولاديمير پوتين سره وګوري.
د تركيې د جمهوري رياست دفتر پرون وروسته له هغې د دې سفر پلان اعلان كړ، چې اردوغان او پوتين ټيليفوني خبرې وكړې او د سوريې په شمال لوېديځ كې پر بدلونونو وغږېدل.
د تركيې جمهور رئيس خپل روسي سيال ته وويل، د بشارالاسد د ځواکونو عمليات، چې مسکو يې ملاتړ کوي، په سوريه کې د بشري ناورين د رامنځته كېدو سبب شوي او د ترکيې ملي امنيت ته جدي ګواښ پېښوي.
اردوغان او پوتين په ادليب ولايت كې، چېرته چې په تېرو څو ورځو كې د تاوتريخوالي زياتېدو لسګونه زره كسان تېښتې ته اړ كړي، د حالت ښه كولو په هدف پر ګډو هڅو هوكړه وكړه.
د ۲۰۱۱م ميلادي كال په مارچ مياشت كې د سوريې د كورنۍ جګړې له پيل راهيسې تراوسه تركيې په خپله خاوره كې څه باندې درې اعشاريه شپږ ميليونه سوريايي كډوالو ته ځاى وركړى دى.
