slideshow

48
۲۴ زمری ۱۳۹۸
لیکونکی: محمد خان بریال

په غزني کې د هوایي بریدونو په پایله کې ۱۰ وسله وال طالبان وژل شوي

په غزني کې د افغان ځواکونو هوایي او ځمکني عملیات تصویر: ټولنیزې رسنۍ

د غزني ولایت د رسنیو دفتر خبر ورکړی چې د هوایي بریدونو په پایله کې ۱۰ وسله وال طالبان وژل شوي او ۷ نور ټپیان دي.
د دغه ولایت د خبرپاڼې له مخې، یاد هوایي عملیات په قره باغ، ګیلان او ناوې ولسوالیو کې ترسره شوي دي، چې په پایله کې یې وسله والو طالبانو ته دغه مرګ ژوبله اوښتې.
خبرپاڼه وایي، هوایي ځواکونو د قره باغ په مریاڼو سیمه کې د طالبانو پر یوې ډلې هوایي برید کړی، چې په ترڅ کې یې ۵ وسله وال طالبان وژل شوي او ۷ نور ټپیان دي.
خبرپاڼه زیاتوي چې په ګیلان کې ۲ او په ناوې ولسوالۍ کې ۵ وسله وال طالبان د افغان ګډو ځواکونو په هوایي برید او د ولسي پاڅون کوونکو په کمین کې وژل شوي دي.
وسله والو طالبانو دوی ته د اوښتې مرګ ژوبلې په اړه تبصیره نه ده کړې.

شریکول
ایمیل *
نوم *
ستاسو څرګندونې *