د سوریې حکومت وایي د دغه هېواد یوه جنګي الوتکه د ادلیب او حما تر منځ لویدلې ده.
د راپورنو له مخې یاده الوتکه په سوریه کې د حکومت د مخالفو وسله والو تحریر شام له لوري ویشتل شوې ده.
تر دې وړاندې په سوریه کې د دولت مخالفو وسلوالو تحریر شام ویلي و، چې د دوی ځواکونو په ادلیب ولایت کې د حکومت یوه جنګي الوتکه راغورځولې ده.
د سوریې امنیتي ځواکونه وایي، دغه الوتکه د تحریر شام د تروریستي ډلې د پنځایونو ویشتلو لپاره دغې سیمې ته تللې وه، چې د مخالفینو له لوري ویشتل شوې ده.
دا په داسې حال کې ده چې د سوریې حکومت د ادلیب د جنوبي برخې د نیول کېدو خبر ورکړی و.
