د امریکا جمهور رییس ډونالډ ټرمپ وایي، که اړتیا پېښه شي، د سوداګرۍ له نړیوال سازمان به بهر شي.
نوموړي ګواښ کړی چې که د سوداګرۍ په سازمان کې د شته هېوادونو پر وړاندې په تګلارو کې بدلون رانه شي، شونې ده چې امریکا له دغه سازمان سره اړیکې پرې کړي.
ښاغلي ټرمپ د امریکا په پنسیلوانیا ایالت کې خپلو پلویانو ته په وینا کې څرګنده کړه چې که اړتیا پېښه شي د سوداګرۍ له سازمان به بهر شي.
ده په تېر ژمني کې په دې اړه خبرداری ورکړی و.
د سوداګرۍ نړیوال سازمان بنسټ په ۱۹۹۵ میلادي کال کې کېښودل شو.
د دغه سازمان دنده له نړیوالو سوداګرو سره مرسته او د دغه سازمان د غړو هېوادونو تر منځ د اختلافونو حلول دي.
