د عراق په انبار ولایت کې د درنې چاودنې له امله لسګونه کسانو ته مرګ ژوبله واوښته.
راپورنه وایي، تېره شپه د عراق په انبار ولایت کې د یوې چاودنې په پایله کې یو تن وژل شوی او ۲۹ نور ټپیان دي.
دغه چاودنه د الصقر نظامي اډې مخې ته شوې ده.
په راپورونو کې دا هم ویل شوي چې چاودنه ډېره پیاوړې وه او کېدایشي د مرګ ژوبلې شمېرې تر دې هم لوړې شي.
په عراق کې په دې وروستیو کې یو ځل بیا چاودنو زور اخیستی چې د امنیتي ځواکونو تر څنګ ډېری ملکي کسانو ته هم مرګ ژوبله پکې اوړي.
