د ننګرهار په مومند درې ولسوالۍ کې سرحدي ځواکونو لسګونه کيلو ګرامه نشه يي توکي نيولي دي.
په ختيځ کې د سرحدي لېوا وياند ادريس مومند کليد ته وويل، ځواکونو يې په سپين بند سيمه كې په يوه كرولا ډوله موټر كې ځاى پر ځاى شوي شاوخوا ۲۰۰ كيلو ګرامه چرس ونيول.
د نوموړي په خبره، د يادو نشه يي توکو په تړاو يو تن هم نيول شوى، چې د نازيانو ولسوالۍ د لنډۍ سيمې اوسېدونکى دى.
مومند وايي، نيول شوي کس پر خپل جرم اعتراف کړى او اوسمهال تر څېړنو لاندې دى.
کلید ګروپ په ټویټر او فیسبوک کې وګورئ
