د معلولینو د نړیوال سیریز سیالیو په دویمه لوبه کې نن د افغانستان معلولینو لوبډلې پاکستان ته په ۲۶ منډو ماتې ورکړه.
د لوبې پچه پاکستانۍ لوبډلې وګټله او لومړی یې د توپ اچونې پرېکړهوکړه.
افغان لوبډلې په ۱۶ اورونو کې سیالې لوبډلې ته د ۱۴۲ منډو هدف وټاکه، خو پاکستانۍ لوبډله پر دې ونه توانېده چې ټاکل هدف پوره کړي او ټوله لوبډله یې په ۱۱۶ منډو وسوځېده.
د توپ وهنې په برخه کې محمد الله ۶۰، جمیل شاه ۴۶ او محمد اشرف ۲۵ منډې وکړې.
د افغانستان لپاره شیرین اغا ۴، زبیر ۲ او حزب الله او جمیل مندوزي یوه – یوه ویکټ واخیستې.
د یادونې وړ ده چې د ورښت له امله لوبه ۱۶ اورونو ته کمه شوې وه.
