د امريکا جمهور رئيس ډونالډ ټرمپ د يو اجرايي فرمان له مخې د وينزويلا حکومت تحريم کړى دى.
د راپورونو پر بنسټ، د ټرمپ په اجرايي فرمان کې راغلي، د وينزويلا د حكومت ټولې شتمنۍ بلاک کېږي او په همدې اساس دغه شتمنۍ د لېږد وړ نه دي.
راپورونه وايي، دا په تېرو ۳۰ کلونو کې د امريكا بې سارى ګام دى.
بلخوا ځينو رسنيو د وينزويلا او امريکا ترمنځ پر سوداګريزو اړيکو اندېښنه ښودلې او ويل شوي، چې د دواړو هېوادونو ترمنځ د سوداګريزو اړيکو پرې كېدل به ګران تمام شي.
امريكا د وينزويلا د حکومت د تحريمولو علت د نيکولاس مادورو له لوري د قدرت غصب او د بشري حقونو تر پښو لاندې کېدل بللي دي.
