د فارياب په بلچراغ ولسوالۍ كې د هوايي بريدونو او نښتو په ترڅ كې ۴۵ وسله والو طالبانو ته مرګ ژوبله اوښتې ده.
د ۲۰۹ شاهين قول اردو وياند محمد حنيف رضايي كليد ته وويل، طالبانو تېره شپه د بلچراغ ولسوالۍ د بازار او د هغه د شاوخوا كليو د نيولو په هدف تهاجمي بريد وكړ، چې د هوايي ځواكونو په ملاتړ دا بريد په شا وتمبول شو.
د نوموړي په خبره، په يادې ولسوالۍ كې د هوايي بريدونو او نښتو په مهال د دوو قوماندانانو په ګډون ۳۶ طالبان وژل شوي او نهه تنه نور ژوبل دي.
رضايي زياته كړه، په دې نښتو كې دوه امنيتي سرتېري هم وژل شوي او درې تنه نور ټپيان دي.
وسله والو طالبانو تراوسه په دې اړه تبصره نه ده كړې.