د امريکا د ټکزاس ايالت په ايل پاسو ښار کې د شنبې په ورځ د وسله وال بريد په پايله کې ۲۰ کسان وژل شوي او ۲۶ نور ټپيان دي.
عيني شاهدان وايي، دا پېښه د سيلو ويسټا سوداګريز مرکز ته څېرمه د والمارټ په پلورنځي کې رامنځته شوې ده.
امنيتي چارواکي څرګندوي، دوى ۲۱ کلن شكمن کس، چې سپين پوستى بلل شوى، نيولى او باور کېږي دغه کس به بريد ترسره کړى وي.
امريکايي رسنيو د نيول شوي شكمن کس نوم پاټريک کروسيوس ښودلى دى.
ياد پلورنځى د پېښې په وخت کې له مشتريانو ډک و او ډېرى خلکو د ښوونځي اړوند توکي اخيستل.
د امريکا جمهور رئيس ډونالډ ټرمپ دا بريد غندلى او ويلي يې دي، په بريد کې ډېر کسان وژل شوي دي.
