د افغانستان د معلولينو د کرکټ ملي لوبډله په انګلستان كې د پنځو هېوادونو د لوبډلو ترمنځ د كېدونكو لوبو لړۍ ته د چمتووالي په هدف پر تمرينونو بوخته ده.
په دې لوبډله كې محمد نبي، محمدالله احمدزى، محمد اشرف، عبيدالله، قدرت الله، عبدالله، عبدالله لېوال، شيرين اغا، نثار احمد، حزب الله، طفيل، شعيب، جميل شاه، شفيق الله، زبير او صفت الله شامل دي.
د معلولينو د کرکټ نړيواله لوبلړۍ به سبا د انګلستان په كوربه توب د دغه هېواد، افغانستان، پاكستان، هند او بنګله دېش د لوبډلو ترمنځ پيل شي.
