slideshow

101
۹ زمری ۱۳۹۸
لیکونکی: محمد خان بریال

په فراه کې پر یو بس د ماین چاودنې له کبله ۳۸ کسان وژل شوي او ۱۰ نور ټپیان دي

په فراه کې پر بس موټر چاودنه تصویر: ټولنیزې رسنۍ

د فراه امنیتي او روغتیایي چارواکي خبر ورکوي چې نن سهار ۶ بجې د یاد ولایت د بلابلوک ولسوالۍ په مربوطاتو کې پر یو بس موټر د سړګ غاړې ماین چاودنه شوې چې له کبله یې نېږدې ۵۰ کسانو ته مرګ ژوبله اوښتې.
د دغه ولایت د امنیه قومندانۍ ویاند محب الله محب ویلي، په دغه پېښه کې ۳۸ کسان وژل شوي او ۱۰ نور ټپیان دي.
نوموړی زیاتوي چې کېدایشي په مرګ ژوبله کې ډېروالی راشي.
بلخوا، د هرات د حوزوي روغتون رییس محمد نعیم دولت زي کلید ته وویل چې د پېښې له سیمې تر اوسه دوی ته ۱۵ کسان ور وړل شوي چې ۴ یې وژل شوي او ۱۱ نور ټپیان دي.
نوموړی زیاتوي چې د ځینو راپورونو له مخې په دغه پېښه کې ۳۴ کسان وژل شوي دي.
سیمه ییز چارواکي که څه هم دغه پېښه د وسله والو طالبانو کار بولي، خو وسله والو طالبانو تر اوسه په دې اړه څه نه دي ویلي.

شریکول
ایمیل *
نوم *
ستاسو څرګندونې *