د فرانسې په جنوب كې په وسله وال بريد كې څلورو تنو ته مرګ ژوبله اوښتې ده.
د راپورونو له مخې، يوه كس په ډزو درې تنه وژلي او يو بل يې ټپي كړى دى.
ويل كېږي په وژل شوو كسانو كې يوه ښځه هم شامله ده.
پوليس تر دې دمه نه دي توانېدلي، چې بريد كوونكى ونيسي.
تراوسه په دې اړه معلومات نه دي خپاره شوي، چې دا بريد ترهګريز و او که بله انګېزه يې درلوده.
فرانسه هغه هېواد دى، چې وخت ناوخت په کې ترهګريز بريدونه کېږي او خلکو ته مرګ ژوبله اړوي.
