د كورنيو چارو وزارت وايي، د هلمند په مارجې ولسوالۍ کې د ګډو امنيتي ځواکونو په تصفيوي عملياتو کې ۲۳ وسله والو طالبانو ته مرګ ژوبله اوښتې ده.
د ياد وزارت له لوري نن په خپره شوې خبرپاڼه كې ويل شوي، چې د دغو عملياتو په مهال ۱۶ طالبان وژل شوي او اووه تنه نور ژوبل دي.
د سرچينې په وينا، عمليات كوونكو ځواكونو يو شمېر سيمې د طالبانو له شتونه پاکې كړې هم دي.
په خبرپاڼه كې راغلي، په دې عملياتو کې ۲۹ کړۍ بېلابېل ډوله ماينونه کشف او شنډ شوي او د دښمن ۱۰ پټنځايونه هم له منځه وړل شوي دي.
د سرچينې په خبره، د يادو عملياتو په ترڅ كې ګډو امنيتي ځواکونو او ملکي وګړو ته کوم زيان نه دى اوښتى.
وسله والو طالبانو تر دې دمه د دغو عملياتو په تړاو تبصره نه ده كړې.
