په هلمند كې د افغان ځواكونو په هوايي بريدونو كې څلور وسله وال طالبان وژل شوي دي.
د دغه ولايت د ۲۱۵ ميوند قول اردو له مطبوعاتي دفتره کليد ته په رالېږل شوې خبرپاڼه کې راغلي، ياد هوايي بريدونه د دې قول اردو هوايي ځواكونو پرون ناوخته د سنګين ولسوالۍ په مربوطاتو كې د طالبانو پر يوې قرارګاه كړي دي.
سرچينه وايي، په دغو هوايي بريدونو كې د طالبانو ګڼ شمېر سپكې او درنې وسلې هم له منځه يووړل شوې.
وسله والو طالبانو تر دا مهاله په دې تړاو تبصره نه ده كړې.