د اسراييل د دفاع وزارت وايي، د امريکا له لوري يې دوه نورې اېف ۳۵ ډوله جنګي جېټ الوتكې ترلاسه كړې دي.
اسراييلي چارواكو ويلي، دغه الوتکې د دوى لپاره د دښمن په وړاندې تر ټولو مهم عمليات ترسره کولى شي.
د اسراييلو د لومړي وزير بنيامين نتنياهو وياند څرګنده کړې، له امريکا وروسته اسراييل لومړى هېواد دى، چې دا ډول الوتکې ترلاسه کوي.
امريکا داسې مهال اسراييل ته دوه نورې۳۵ ډوله جنګي جېټ الوتكې وركوي، چې اسراييلي حكومت پر حماس ډلې د تازه بريدونو ګواښ کړى دى.
کلید ګروپ په ټویټر او فیسبوک کې وګورئ
