نن په لښکرګاه کي ګڼ شمېر دیني عالمانو له طالبانو وغوښتل چي اوربند وکړي او تر هغه وروسته له افغان حکومت سره د سولې خبرې پیل کړي، ترڅو دغې اوږدې جګړې ته د پای ټکی کېښودل شي.
په دې جوړه شوې غونډه کې، چي د هلمند د حج او اوقافو د ریاست ځینو د یني عالمانو برخه اخستي وه، په قطر کې د سولي روانو خبرو ته خوښي وښودله او د طالبانو له استازو يې غوښتنه وکړه چي له افغان حکومت سره هم د سولې خبرو ته کېني.
دغو دیني عالمانو زیاته کړه چې که له طالبانو سره ژر تر ژره سوله ونه شي، داعش ته ورته تروریستي ډلې به پر افغانانو بریدونو ته زور ورکړي.
یادو دیني عالمانو له خلکو هم وغوښتل چې د سولې د خبرو او روانو هڅو ملاتړ وکړي او د هغو کسانو پر ضد دې غږ پورته کړي چې په افغانستان کې سوله نه غواړي.