د امريکا د دفاع وزارت خبر ورکړى، چې متحدو ايالتونو تايوان ته د ۲.۲ ميليارده ډالرو په ارزښت د وسلو ورکړه تاييد کړې ده.
په دغو وسلو کې سټينګر توغندي، ټانکونه او يو شمېر نورې وسلې شاملې دي.
امريکا داسې مهال تايوان ته دا وسلې ورکوي، چې د چين د دفاع وزارت څه موده وړاندې په تايوان د دې وسلو د پلورلو په اړه توند غبرګون ښودلى و.
خو امريکا بيا ډاډ ورکړى، چې تايوان ته د وسلو ورکړه به په سيمه كې د پوځي ګډوډۍ د رامنځته كېدو سبب نه شي.
