د دویمې نړيوالې جګړې د وخت يو ناچاودلى ۵۰۰ كيلو ګرامه بم، چې په دې وروستيو كې د جرمني د فرانكفورټ په مركز كې موندل شوى و، په برياليتوب سره شنډ شو.
د جرمني د مهماتو پاكولو خدمتونو ادارې يوه وياند پرون له غرمې وروسته اعلان وكړ، چې د ياد بم د خنثى كولو پروسه په برياليتوب سره بشپړه شوه.
دا د امريكا ساخت د دویمې نړيوالې جګړې د مهال ناچاودلى بم ۱۰ ورځې وړاندې په فرانكفورټ كې د اروپا د مركزي بانك ودانۍ ته نېږدې د بيارغونې كار په جريان كې وموندل شو.
د دغه بم د شنډولو په وخت کې له ۱۶ زرو زياتو كسانو سيمه پرېښوده.
کلید ګروپ په ټویټر او فیسبوک کې وګورئ
