د هرات سیمه ییز چارواکي وایي تېره شپه د افغان ځواکونو په هوایي عملیاتو کې د هرات په زیرکوه ولسوالۍ کې د وسله والو طالبانو یو لوړپوړی قومندان له څلورو نورو ملګرو سره وژل شوی دی.
د هرات د والي ویاند جیلاني فرهاد کلید ته وویل، د طالبانو دغه قومندان ملا هجرت نومېږي او په ډېر شمېر تروریستي بریدونو کې لاس لري.
د هرات امنیتي چارواکي هیله څرګندوي چې د دغه طالب قومندان په وژل کېدو سره به د زیرکوه ولسوالۍ امنیتي حالت هم ښه شي.
دا په داسې حال کې ده چې تر دې وړاندې هم د ملا بلال په نوم د طالبانو یو قومندان د یاد ولایت په پشتون زرغون ولسوالۍ کې وژل شوی وو.
