په لغمان کې پر يوه کور د هاوان مرمۍ د لګېدو له كبله شپږ تنه ټپيان شوي دي.
د دې ولايت د والي وياند اسدالله دولتزي کليد ته وويل، دا مرمۍ تېره شپه د دولت وسله والو مخالفينو توغولې، چې د مركز مهترلام په مربوطاتو كې پر يوه كور لګېدلې ده.
د ده په وينا، په پېښه كې شپږ تنه ټپيان شوي، چې د درملنې لپاره روغتون ته وړل شوي دي.
د پېښې مسووليت تراوسه کومې وسله والې ډلې پر غاړه نه دى اخيستى.
کلید ګروپ په ټویټر او فیسبوک کې وګورئ
