د ننګرهار د مركز جلال اباد ښار د لومړۍ ناحيې په مربوطاتو كې د ماين چاودنه شوې ده.
د دغه ولايت د امنيه قوماندانۍ وياند فريد خان كليد ته وويل، دا چاودنه تېر ماخوستن اته بجې او ۲۰ دقيقې د يوه درملتون مخې ته شوې، چې د لومړنيو معلوماتو پر بنسټ، يو تن يې ټپي كړى دى.
د هغه په وينا، ټپي كس د درملنې لپاره د ننګرهار حوزوي روغتون ته لېږدول شوى او روغتيايي حالت يې د ډاډ وړ دى.
د يادې چاودنې مسووليت تراوسه چا نه دى منلى.
کلید ګروپ په ټویټر او فیسبوک کې وګورئ
