افغان ځواكونو د كونړ په نورګل ولسوالۍ كې پنځه داعش وسله وال وژلي دي.
د دغه ولايت د رسنيو له دفتره په خپره شوې خبرپاڼه کې راغلي، د ملي امنيت د ۰۲ قطعې ځانګړو ځواکونو د نورګل ولسوالۍ په مزار درې کې تصفيوي عمليات ترسره کړي، چې په ترڅ كې يې د دې ولسوالۍ لپاره د داعش ډلې د استخباراتي مسوول او دوو بهرنيانو په ګډون پنځه داعشيان وژل شوي او ۱۴ تنه نور له داعش وسله والو سره د اړيكو لرلو په تور نيول شوي دي.
سرچينه وايي، عمليات كوونكو ځواكونو د داعش ډلې يو مركز، يوه د مهماتو ستره ډيپو، يو موټر او دوه موټر سايكلونه هم له منځه وړي دي.
يادې ډلې تر دا مهاله په دې اړه تبصره نه ده كړې.
