د ازبكستان جمهور رئيس شوکت ميرضيايف د دغه هېواد لوى څارنوال اوتابېګ مرادوف له دندې ګوښه كړى دى.
مرادوف د تېر ميلادي كال په جنوري مياشت كې د ازبكستان د لوى څارنوال په توګه دنده پيل كړې وه.
نوموړى رسنيو ته د ازادۍ وركولو پاليسۍ په پيلولو مشهور دى.
د ازبكستان د جمهور رئيس په خپاره شوي فرمان كې د دې هېواد د مشرانو جرګې رئيس نعمت الله يولداشيف د مرادوف ځايناستى ټاكل شوى دى.
په فرمان كې د ياد هېواد د لوى څارنوال د ګوښه كېدو د علت په اړه څه نه دي ويل شوي.
