ټاكل شوې د افغانستان د كركټ ملي لوبډله د ۲۰۱۹م ميلادي كال د نړيوال جام سياليو په لړ كې خپله پنځمه لوبه نن د كوربه هېواد انګلستان د كركټ ملي لوبډلې په وړاندې ترسره كړي.
دا لوبه به د كابل په وخت د ماسپښين په دوو بجو د انګلستان په مانچسټر ښار كې پيل شي او جمهور رئيس محمد اشرف غني به يې له نېږدې وګوري.
افغانستان تر دې مخكې د اسټراليا، سريلانكا، نيوزيلنډ او جنوبي افريقا په وړاندې څلور لوبې كړي او څلور واړه يې بايللې دي.
د روان ميلادي كال د كركټ د نړيوال جام يو ورځنۍ سيالۍ په انګلستان او وېلز كې روانې دي، چې په كې د افغانستان په ګډون د ۱۰ هېوادونو د كركټ ملي لوبډلې برخه لري.
