د لوګر د محمد اغې ولسوالۍ د هلكانو او نجونو اته هغه ښوونځي، چې څه موده مخكې د دې ولسوالۍ د اوسېدونكو له لوري تړل شوي وو، بېرته د زده كوونكو پر مخ پرانيستل شول.
د پوهنې وزارت وياندې نوريې نزهت نن پر خپله فېسبوك پاڼه ويلي، دا ښوونځي د محمد اغې ولسوالۍ په ده نو كلي كې موقعيت لري او د خلكو له كورونو د نظامي استفادې په غبرګون كې د زده كوونكو پر مخ تړل شوي وو.
هغې زياته كړې، ياد ښوونځي د ديني عالمانو، قومي مشرانو او ولايت مقام په منځګړيتوب او د لوګر د پوهنې رياست په هڅې بياځلي پرانيستل شول.
د پوهنې وزارت د معلوماتو پر بنسټ، په دغو ښوونځيو كې شاوخوا ۱۲ زره زده كوونكي زده كړې كوي.
