د ملي دفاع او كورنيو چارو سرپرست وزيرانو د پنجشنبې په ورځ له غرمې وروسته د تخار د امنيتي حالت د ارزولو په هدف دې ولايت ته سفر وكړ.
د ملي دفاع وزارت د يوې خبرپاڼې په خپرولو سره ويلي، په دغه سفر كې د سيمه ييزو ارګانونو د خپلواكې ادارې رئيس متين بېګ د اسدالله خالد او مسعود اندرابي ملتيا كوله.
د سرچينې په وينا، يادو لوړپوړو امنيتي او ملكي چارواكو د تخار له اوسېدونكو سره په جلا غونډو كې وليدل.
له دې سره هممهاله د ملي دفاع وزارت لومړي مرستيال محمد ياسين ضياء، د ملي امنيت عمومي رئيس محمد معصوم ستانكزي او په افغانستان كې د بهرنيو ځواكونو عمومي قوماندان جنرال سكاټ ميلر تېره ورځ ننګرهار ته سفر وكړ، ترڅو د دغه ولايت او ختيځ زون امنيتي وضعيت وارزوي.
کلید ګروپ په ټویټر او فیسبوک کې وګورئ
