د ننګرهار ولايتي چارواكي وايي، بې پيلوټه الوتكې د دې ولايت په شېرزادو ولسوالۍ کې نهه وسله وال طالبان وژلي دي.
د ننګرهار د والي وياند عطاء الله خوږياڼي پرون ناوخته کليد ته وويل، دا هوايي بريد د شېرزادو ولسوالۍ په مرکيخېلو سيمه کې ترسره شوى دى.
هغه زياته كړه، په وژل شوو طالبانو كې د دوى د سرې قطعې دوه قوماندانان هم شامل دي.
د خوږياڼي په خبره، وژل شوي طالب قوماندانان د پکتيا اوسېدونکي وو، چې د تخريبي کړنو په هدف يادې ولسوالۍ ته تللي وو.
وسله والو طالبانو تراوسه په دې اړه رسنيو ته څه نه دي ويلي.
کلید ګروپ په ټویټر او فیسبوک کې وګورئ
