وسله والو طالبانو په غور كې له ۲۰ زياتو ولسي پاڅون كوونكو ته مرګ ژوبله اړولې ده.
د دې ولايت د والي وياند عبدالحى خطيبي كليد ته وويل، طالبانو تېره شپه د دولت يار ولسوالۍ پر يوې امنيتي پوستې بريد وكړ، چې په ترڅ كې يې ۱۴ ولسي پاڅون كوونكي وژل شوي او اووه تنه نور ژوبل دي.
ده د ټپيانو روغتيايي حالت نازك وباله.
وسله والو طالبانو هم ويلي، چې د غور په دولت يار ولسوالۍ كې يې پر يوې امنيتي پوستې بريد كړى، ۱۴ ولسي پاڅون كوونكي يې وژلي او دوه تنه نور يې نيولي دي.
کلید ګروپ په ټویټر او فیسبوک کې وګورئ
