د فارياب په پښتون كوټ ولسوالۍ كې څلور ښځې د انسان تښتوونكو له منګولو وژغورل شوې.
د دغه ولايت د والي وياند جاوېد بيدار نن كليد ته وويل، ذكرالله مشهور په ذكر قوماندان، چې متكرر مجرم هم دى، تېره ورځ دا څلور ښځې برمته كړې وې.
د نوموړي په خبره، امنيتي ځواكونو د عملياتو په ترڅ كې يادې ښځې د انسان تښتوونكو له منګولو خوشې كړې او د شاوخوا يو ساعته جګړې په مهال ذكرالله ووژل شو او تر لاس لاندې څلور كسان يې ونيول شول.
د يادونې وړ ده، چې د انسان تښتونې پېښو زياتېدو هېوادوال اندېښمن كړي او له امنيتي ارګانونو غواړي، چې د مخنيوي په برخه كې يې جدي اقدامات وكړي.
کلید ګروپ په ټویټر او فیسبوک کې وګورئ
