ټاكل شوې د افغانستان د كركټ ملي لوبډله د ۲۰۱۹م ميلادي كال د نړيوال جام سياليو په لړ كې خپله درېيمه لوبه نن د نيوزيلنډ د كركټ ملي لوبډلې په وړاندې ترسره كړي.
دا لوبه به د كابل په وخت د مازديګر په پنځو بجو د انګلستان په ټاونټن ښار كې پيل شي.
افغانستان تر دې مخكې د اسټراليا او سريلانكا په وړاندې دوه لوبې كړي او دواړه يې بايللې دي.
د نن ورځې دوهمه لوبه د بنګله دېش او انګلستان د كركټ ملي لوبډلو ترمنځ د وېلز په پايتخت كارډيف كې ترسره كېږي، چې د كابل په وخت به د ماسپښين په دوو بجو پيل شي.
د روان ميلادي كال د كركټ د نړيوال جام يو ورځنۍ سيالۍ په انګلستان او وېلز كې روانې دي، چې په كې د افغانستان په ګډون د ۱۰ هېوادونو د كركټ ملي لوبډلې برخه لري.
