ads

په سمنګان كې سېلابونو خلكو ته ځاني او مالي زيانونه اړولي

د سمنګان ولايتي چارواكي د دغه ولايت د مركز ايبك ښار په مربوطاتو كې د سېلابونو په ترڅ كې د دوو تنو د وژل كېدو خبر وركوي.

نویسنده: mayar
13 غبرګولی 1398
په سمنګان كې سېلابونو خلكو ته ځاني او مالي زيانونه اړولي

د سمنګان ولايتي چارواكي د دغه ولايت د مركز ايبك ښار په مربوطاتو كې د سېلابونو په ترڅ كې د دوو تنو د وژل كېدو خبر وركوي.
د سمنګان د والي وياند صديق عزيزي كليد ته وويل، د يكشنبې په مازديګر د ايبك ښار په كارته مامورين، كارته سبز او آينچه سيمو كې سېلابونه را ووتل، چې په سبب يې له ۲۰۰ زيات د استوګنې كورونه، لسګونه دوكانونه او د مېوو څو باغونه ويجاړ شول.
د سمنګان د والي وياند وايي، د يادو سېلابونو له كبله د ځاني او مالي زيانونو شمېرې د بدلون په حال كې دي.
دا په داسې حال كې ده، چې څه موده وړاندې د هېواد په بېلابېلو سيمو كې سېلابونو لسګونو كسانو ته مرګ ژوبله واړوله او خلك يې له مالي پلوه هم سخت زيانمن كړل.

 

کلید ګروپ په ټویټر او فیسبوک کې وګورئ
طراحی و توسعه توسط تکشارک - Copyright © 2020

Copyright 2020 © TKG: A public media project of DHSA