وسله والو كسانو په كابل ښار كې د يوې كورنۍ نهو غړو ته مرګ ژوبله اړولې ده.
د كابل امنيه قوماندانۍ وياند فردوس فرامرز كليد ته وويل، د درېيمې امنيتي حوزې د كارته سخي سيمې يوه كور ته تېره شپه وسله وال كسان ور اوښتي، اووه كسان يې وژلي او دوه نور يې ټپيان كړي دي.
نوموړي زياته كړه، د دوى څېړنې ښيي، چې يادې كورنۍ شخصي دښمني لرله.
د فرامرز په وينا، پوليس هڅه كوي دغه قاتلين ونيسي او د قانون منګولو ته يې وسپاري.
بايد وويل شي، چې تر دې وړاندې هم په كابل ښار كې داسې پېښې رامنځته شوي، خو امنيتي ځواكونه يې د عاملينو پر نيولو نه دي توانېدلي.
کلید ګروپ په ټویټر او فیسبوک کې وګورئ
