ټاكل شوې د جرمني جمهور رئيس فرانك والټر شټاين ماير د خپل ازبك سيال شوكت ميرضيايف په بلنې د روانې مې مياشتې له ۲۷مې تر ۲۹مې نېټې ازبكستان ته سفر وكړي.
دواړه جمهور رئيسان به په سياسي، اقتصادي او سوداګرۍ برخو كې د دوه اړخيزو اړيكو پر لا پراختيا وغږېږي.
ازبكستان ته د جرمني د جمهور رئيس د سفر په مهال به د تاشكند او برلين ترمنځ په اقتصادي، روغتيايي او ځينو نورو برخو كې دوه اړخيز تړونونه هم لاسليك شي.
اوسمهال په ازبكستان كې د جرمني پانګه والو په پانګونې جوړ شوي لسګونه شركتونه فعاليت كوي.
جرمني د ۱۹۹۱يم ميلادي كال د ډسمبر مياشتې په ۳۱مه نېټه د ازبكستان خپلواكي په رسميت وپېژنده او څه باندې دوه مياشتې وروسته د دواړو هېوادونو ترمنځ سياسي اړيكې ټينګې شوې.
